सुरुवातीला थोडसं...

मी काही लेखक नाही, किंवा अभ्यासूही नाही.. मी एक सामान्य माणूस आहे..
पण माझ्या जगण्यात मी जे काही बघतो, पाहतो,
मला जे सुचतं.. मला जे भावतं.. जे कुठेतरी आत अंतर्मुख करतं..
किंवा ज्यापुढे मला वाकावसं वाटतं.. अश्या काही आदर्शांची काही प्रसंगाची
काही सर्जनाची कुठेतरी नोंद व्हावी, असं फार आतून वाटतं..
ते कुठेतरी उतरवायला हवं.. असंही फार आतून वाटतं..
आताशा ही गरज जास्त वाटते.. यातनं काही अनुभव शेअर करता येतात का,
काही अधिक चांगलं पदरात पडेल का.. या सगळ्याचा हा शोध आहे..
कदाचित स्वत:चाही.. सगळ्यांसमोरचा..
बघुयात काय पदरात पडतयं ते..